Gwobrau Rhyngwladol Emmy

Gwobr sy'n cael ei rhoi gan Academi Ryngwladol y Celfyddydau a'r Gwyddorau Teledu i raglenni teledu sydd wedi'u cynhyrchu a'u darlledu'n wreiddiol y tu allan i'r Unol Daleithiau yw Gwobrau Rhyngwladol Emmy. Cyflwynir y rhan fwyaf o'r gwobrau yn y brif ddefod wobrwyo, sef Gala Gwobrau Rhyngwladol Emmy a gynhelir fel arfer ym mis Tachwedd yng Ngwesty'r Hilton, Dinas Efrog Newydd. Daw dros 1,200 o bobl o'r diwydiant i ddathlu rhagoriaeth ym myd teledu.